दाजु अनि म

 दाजु अनि म

दाजु हेरत, तिहार पनि आइसकेछ,

हेरत आँगनमा तिम्रा लागि भनेर रोपेको मखमली फूल ढपक्कै फुलेछ,

सप्तरंगी टिका तिम्रो निधारमा सजाउनु छ,

लक्ष्मीपूजा गरेर देउसीमा रमाउनु छ ।

शान्तिको कामना गर्दै घर फूल र दिपले सजाँउला,

तिमी र म मिलेर काग, कुकुर अनि गौमाताको पूजा गरूँला,

सहअस्तित्व, सद्भाव र मेलमिलाप सहित,

सुख, आनन्द र खुसीयाली साँटुला,

पारिवारिक पूर्नमिलनको तेल शान्तिको दियोमा बाल्दै,

सफा आकाश, धर्ती, फुलैफुलले ढाकेको परिवेश अङ्गाल्दै,

आडम्बर, झैझगड़ा र विकृति त्याग्नु छ,

सामाजिक, सांस्कृतिक र धार्मिक बाटो सम्हाल्नु छ ।

तिम्रा हरेक इच्छा पूरा हुन् भन्ने मेरो चाहना,

तिम्रा सम्पूर्ण सपना पूर्ण हुन् भन्ने मेरो चाहना,

दाजु अनि म मिलेर धनधान्य कि देवी लक्ष्मको पूजा गरुँला,

मिलिजुली चाड मनाई तिहारको गरीमा उच्च राँखुला,

प्रेम उल्लास बढाउँदै, आनन्द सम्हाल्दै,

झिलिमिलिमा रमाउदैं, सेलरोटि पकाउँदै,

यो भाइटिका ले सहअस्तित्व र सद्भावको भाव समेटोस्,

यो तिहारले सहिष्णुता र मेलमिलापको जरा समातोस्,

यो चाडले हामीमा उमंग भरोस्,

तिमी र म बिच खुसीयाली ल्याओस् ।

      - Kopila Dhungana